@letsspa.kw 📍الديرة
السبا عبارة عن ٤ غرف وبيلاتيس
عندهم باكجات للمناسبات وباجر مسوين افنت يشوق جيكو عليه 🤍
🌸الخدمة: سقنجر سبا (للجسم والويه)
🌸العاملة: ايكو من اندونسيا
🌸التغطية: اول شي عبيت ورقة (الامراض والادوية واماكن التركيز) وضيفوني وطريقة التقديم حيل ذربة ما شاء الله 🥺 بعدها دخلت الغرفة اسمها peaceful path الفيو بكل زاويه عالبحر والديرة 🤍/ حطتلي سنفرة للقدم وبعدها بدينا بالمساج/ طقت الجرس (مادري شنو اسمه) اللي بطلع اصوات رنين وبعدها رشت الغرفة سبراي معطر وحطت بايدها فنيلا واتوقع فكس وقالتلي اشمه عشان ينفتح عندي مجرى التنفس وحطتلي كمادات على ظهري وبدت المساج من ريولي لي فوق ولما قلبت بدت ببطني وحطت كمادات عليها بعد/ المساج حليو كان استرخائي
عقب ما خلصت مساج الجسم سوتلي مساج بويهي وغسلته بغسول وحطتلي ماسك sheet بارده وبعدها استخدمت قواشا وهالسوالف .. حيل حبيت هالاضافة دخت ونمت شوي 😴
اسالتني شنو ابي اشرب عقب المساج واخترت جاي البابونج قالتلي اقعد بالريلاكسنق اريا فلبست ملابسي ورحت والضيافة تتقدم مع تفاح بطريقة ذربه ☕️ الكرسي كان مريح وطبعا مع لحاف 🤍
____
اللي جربته شرايج فيه؟
____
🌸ملاحظات:
📍: جبلة - برج شيخه الدور ٢٥
🚗: متوفرة - جبالهم مبنى مواقف
🕕: ١٢م - ٩م
☕: متوفرة
🏠: غير متوفرة
#spa #pilates #kuwait_spas