تغطية صالونيتا: منصة ودليل الصالونات في الكويت 💅🏼
@velvet_salon_kw 📍العقيلة
🌸الخدمة: بيسك بديكير ومنيكير (٣ سنفرات ولوشن بدون صبغ) مع ايرين من الفلبين ٨دك
🌸الخدمة: غسيل شعر عادي نسيت شسم العاملة بس كانت من الهند ٢دك
🌸المدة: ساعة وربع كل الخدمات
🌸الشغل: كنت بسوي اظافري وقالولي انطر شوي واتوقع حفظتوني ماحب انطر بدون لا اسوي شي 🙂↔️ فقلت اغسل شعري والغسيل عبارة عن مرتين شامبو ومرة بلسم/ الكرسي مريح وايد بغيت ارفعه صوب القدم بس العاملة قالتلي خربان او بالاحرى ماعرفت تصعده وانا شوي تعقدت لانه عبالي بس من صوب القدم طلع لا يصير مثل السرير وكان عجييب 🥹💜 بس حسافة ما عرفت تغسلي لما صعدته 🤷🏻♀️ فرديت نزلته عشان تغسل شعري عدل / بعد ما خلصت جففت شعري وحطتلي سيروم والتجفيف جيد/ خلصت ورحت اسوي اظافري الكرسي فيه تواير ومريح وماكو لويه بالدز والير/ سنفرة الايد (٣ سنفرات) وتنغسل بحوض القدم وسنفرتني من قلب 👏🏼👏🏼/ وبعدها لوشن ومساج خفيف وكيوتيكال اويل حول الاظافر/ في قاعده للقدم/حبيت شغلها مرتب/ واكرر الزيارة للاظافر بإذن الله 🔥
🌸الجو العام: الصالون شرح وفي اطلالة جميلة/ الاقسام مو مفصولة عن بعض/ الصالون تخصص اظافر وشعر/ رحتلهم الصبح وكانو مشغلين قران 📿/ فيه مصلى عسى ربي يبارك لهم يارب 🤍
_____
اللي مجربتهم شرايج فيهم؟ شاركينا تجربتج نفيد بعض 💃🏻
_____
🌸ملاحظات:
📍 #العقيلة مجمع الدرة (فاشن مل) مدخل ايه سويت برج c الدور ٣
🚗 متوفرة
🕕 ١٠ص - ٨م
☕ متوفرة