@le__spa 📍صباح السالم
🌸الخدمة: باكج ديور (جاكوزي لمدة ربع ساعة - شاور جل - مساج لمدة ساعة)
🌸العاملة: ارني من اندونيسيا
يمكن انا اخر وحدة اجربه 🤣 رفيجتي اهدتني بمناسبة يوم ميلادي وكلمتهم وحجزت .. خوش هدية انصح 🤍
🌸الشغل: اول شي بدلت طبعا (يعطونج قطعتين استخدام واحد) وقعدت بالجاكوزي لمدة ربع ساعة مع ضيافة عصير وتفاحه ومشغلين موسيقى سبا 🛁/ وبعدها غسلتني (مع ليفة) بشاور جل ديور ولما خلصت رحت عند سرير السبا/ يستخدمون زيت اللافندر مخلوط مع لوشن ديور/ والمساج كان ممتاز تركز على المناطق اللي فيها عُقد/ ولما قلبت حطتلي فوطة حارة على العين 😴/ واخر شي بالسترچنق فوطة حارة للاكتاف/ ضيفتني مرة ثانية واخترت جاي اخضر مع التفاح/ وقالتلي اخذ راحتي واستمتع بالأجواء وانه اقدر اتعطر بعطور ديور المتوفرة عندهم اذا حابه
🌸الجو العام: السبا مرتب وفي اكثر من غرفة للمساج ووحدة منهم للسبا الكوري/ الريلاكسنق اريا تشوق/ وفيه مكان للتبديل مشترك/ الباكجات تكون بغرفة vip بثيم الماركات مثل dior و hermes مرتبين وينفعون فاوجر هدية 🎁 طبعا التبديل يكون داخل الغرفة
____
اللي مجربتهم شاركينا تجربتنا نفيد بعض 💃🏻
____
🌸ملاحظات:
📍: #صباح_السالم ق ١ الدور ١ يم مشماش
🚗: متوفرة (بطن وظهر المبنى)
🕛: يوميا ١١-٩م
☕: متوفرة
🪑 : عادي مو مساج