@hairstrand_beautysalon 📍صباح السالم
🌸الخدمة: خلطة بخور مع فريدة من الهند ٤دك
🌸الخدمة: ريترو ناعم (اطراف) مع هبه من لبنان ٦دك
🌸الشغل: اول شي غسلت شعري بشامبو وبلسم/ غسيلها ممتاز/ الكرسي مريح لكن ما يرتفع ومكان غرفة الغسيل صغير لكن مرتب/ لبست قلفز قبل لا تحط لي خلطة البخور (تناسب جميع انواع الشعر) تقلل من النفشة وتعطي لمعة وحلوة حق مناسبات او بكل بساطة للي يحبون البخور 🔥/ قسمت شعري وحطت حق جزء جزء بالفرشة/ عقبها مساج الراس القوي و تهمز الرقبة توديج عالم ثاني واخر شي الاكتاف 😴/ شميت ريحة ماسك البخور مع كل حركة 🥹/ عقبها لفت شعري وغطته بنايلون وقالتلي اقعد فيه نص ساعه بهالوقت ضيفوني قهوة فرنسية مضبوطه 👌🏼/ وبعدها الكوافيره هبه غسلت شعري واقترحت علي اصبغ واعدل من لون شعري سألتهم عن نوع الصبغ ويستخدمون شوارفسكوف الماركة غنية عن التعريف فتحمست لكن حاليا موقفه صبغ ابي ازيد اهتمام فيه ان شاء الله بعدين 💕 بس اللي حابه تصبغ لا تطوف خصوصا الحين عروض الافتتاح/ بعدها مشطت شعري من تحت لي فوق وبخرته/ ما شاء الله واضح انها شاطره ومتمكنه/ جففو شعري واستشوار (الجذور وتنوم البيبي هير) حتى اللي ورا صوب الرقبة استشورتهم (طلبت مني اقلب راسي لي جدام عشان تستشورهم عدل)/ واخر شي ريترو ناتشورال حيل عجيييب وفوليوم اعتمدتهم وراح اكرر زيارتي ان شاء الله 👍🏼/ واخر شي تبخير الشعر مرة ثانية 🔥
🌸الجو العام: الصالون يديد صغير وملموم بس مرتب/ الاقسام مفتوحة على بعض/ الستاف مرتب ونظيف وبشوش الكوافيرات من لبنان واللي يسوون الاظافر من النيبال وفريدة للخلطات/ كل شي يديد ونظيف والفوط مچيسة وكلهم عليهم لوقو الصالون حتى اكواب الضيافة والككاو/ مشغلين موسيقى/ يستخدمون منتجات قوية 👌🏼
🌸بعض من عروض الافتتاح (صالحة شهر ١٠):
- خلطة ٤دك / اشتراك ٦ جلسات ٢٠دك
- استشوار اي طول ٤دك
- ويفي او ريترو او تكسير اي طول ٦دك
- تسريحة ١٠دك
- صبغ جذور ١٠دك
- ميكب وتسريحة مع لبنانيات ٣٥.٥دك
- بروتين فرد اي طول ٤٠دك (آمن على الحامل والاطفال)
- بديكير ومنيكير ٦دك
- صبغ اظافر يد وقدم ٢دك
- صبغ فرنسي يد وقدم ٣دك
_____
اللي جربتهم خلتشاركنا تجربتها نفيد بعض 💃🏻
_____
ملاحظات:
📍صباح السالم ق٢ ش ٢١٤ الدور ٢ جبال محكمة الاسرة
🚗 محدودة
🕕 يوميا من ١٠-٩م
☕ متوفرة
🪑 عادي مو مساج
🏠 متوفرة