@laila_station1 📍الرقعي
🌸الخدمة: خلطة الميزو (٥ خطوات) ٢٠دك
حمام السنو وايت (٥خلطات) ٢٥دك
🌸العاملة: رابيه من الكاميرون (مسلمة) للمغربي
الاستشارة عند أ ليلى مجانية تعطيج جدول يناسب نوع فروتج وشعرج ولاحظت تبارك الرحمن كل شوي وحدة من البنات تسالها وتطلب منها الجدول فتشجعت 💃🏻 شافت شعري وقالتلي فيه هوا بالراس وشوي ماي واقترحت علي خلطة الميزو (تنظف الفروة من الرواسب) وانها تعالج باذن الله الاكزيما والصدفية بنسبة ٤٠٪
🌸الشغل: اول شي العاملة مشطت شعري وبعدها قسمته ونظفت الفروة بجهاز القشط/ بعدها التونر والصبار والمساج قووووي شوي وانام وبعدها السدر والمشاط وخواجوا (للتكثيف والانبات والتخلص من الام الصداع / واخر شي الخلطة (جوز الهند مع بذور الكتان) على كامل الشعر تقريبا مدة الجلسة ساعة/ وبعدها رحت الدور الاول قسم المغربي تبارك الله يهبل المكان شرح دخلت غرفة حمام ليلى الملكي/ التبديل برايفت وموفرين قطعتين استعمال واحد وارواب وفوط يدد مجيسه/ القاعدة بالنص وفيها شاور جت 🚿/ موفرين مخدتين ومريحين 💕 / المغربي عبارة عن صابون مغربي مخلوط وماسك للويه بالكركم وماسك للجسم وسنفرتين (وردية وبالنيلة) وماي الورد البارد المنعش/ التفريك ممتاز وماتعور شاطرة / البخار حلو ما يخنق/ كل الخلطات عجيبة وفرش وتنظف مو اي كلام وتاخذين وقتج عقب كل خلطة/ طلعت حسيت بالترطيب و صار في توحيد لطيف حبيت واكرر ✅/ غسلت شعري بغرفة المغربي عشان اقدر ابدل ورحت قسم الشعر عشان يغسلونه عدل وغسلت شعري هاريتا/ الكرسي مريح ويرتفع وغسيلها ممتاز/ واخر شي تجفيف الشعر/ كان في لمعة حلوة بشعري حبيت 👍🏼
🌸الجو العام: الصالون عبارة عن دورين تبارك الله/ شرح ومرتب والديكور مريح للعين/ الخلطات فرش ومتعوب عليهم/ الدور الاول عبارة عن قسم مفصول ومعزول لعلاج الفرد (فيه جهاز يسحب الدخان)/ والقسم الثاني للحمامات المغربية في تقريبا ٦ غرف ٢ منهم vip والتبديل برايفت والباجي التبديل برا غرفة المغربي/ والدور الثاني عبارة عن قسم الاظافر مفصول لكن مو معزول عن قسم الشعر/ الخلطات اشكال والوان تناسب الكبار والصغار/ عندهم قاعدة تنحط على كرسي غسيل الشعر عشان يرتفع وترتاح الطفلة وقت الغسيل 👍🏼/ عندهم اشتراكات للشعر والاظافر والمغربي 💃🏻/ عندهم منتجات قوية للبيع/ موفرين مصلى عسى ربي يبارك لهم يارب 📿
_____
عطوني رايكم بالصالون والخدمات واللي جربتهم خلتشاركنا تجربتها 💃🏻
____
🌸ملاحظات:
📍 #الرقعي ق ٢ فندق الدانه الدور ١ و٢
🚗فاليه باركنق مجاني
🕕 ١٠ص - ٧:٣٠م
☕ ضيافة متوفرة ولذيذة وكل يوم غير
🪑 مساج وجاكوزي / الشعر يرتفع