تجربة لحمامات البخار من سلسلة صالون
🌸الخدمة: حمام حلفا السوداني مع غادة التونسية عبارة عن دلكة سودانية (ماي ورد) /خلطة تبييض/ سنفرة/ ماسك للشعر ١٨دك
🌸التغطية: الدور الارضي فيه الاستقبال (حجزت بنفس اليوم) يستقبلونج بسلة فيها كل احتياجاتج من روب وليفة وقطعتين وكفر اب (استخدام مرة) وقطن ويه وللاذون وشامبو وماسك شعر 👏🏼 / بعدها تصعدين الدور الثاني فيه غرفتين تبديل ولوكرات وايضا الريلاكسنق اريا مع قسم معزول للاظافر والشعر/ عقب ما خلصت نزلت الدور الاول اللي فيه حمامات البخار بانواعها/ اول ما دخلت المكان ما شاء الله شراحة وجمال حسافة ما قدرت اصور من البخار/ مشغلين اغاني مغربية مع صوت النافورة والبخار 🧖🏻♀️/ الشغل كله بالغرفة البرايفت والقاعده فيها على جنب وفيها شاور جت/ قعدت وغسلتلي شعري بالشامبو والماسك وغطته وبعدها حطتلي الدلكة السودانية ولبستني الكفر اب لانه البخار بالقسم المشترك (عادي يقعدون معاج غيرج فتحسين باجواء الحمامات المغربية) / اسالتني شكثر ابي اكون بالبخار وانا احب ٥دقايق الصراحة مو اكثر بس المكان يخليج تنسين روحج ♥️/ يابتلي فوطة صغيرة بارده تنحط عالراس وماي 💕/ وبعد ال٥دقايق رديت الغرفة البرايفت/ مسحت الدلكة بزيت الورد وغسلت جسمي وحطتلي السنفرة وغسلته واخر شي ماسك التبييض وقعدت تقريبا ٥ دقايق/ حسيت بترطيب ونعومة/ الدلكة من السودان والخلطات الاونر تسويهم/ غادة عسل وسمحة ما شاء الله عليها 💗 رحت الريلاكسنق اريا مع الضيافة اللذيذة 🥰/ واخر شي جففت شعري بقسم الشعر المفصول والمعزول/ في ممر يوديج لفيلا المساج سو شانتي التابعه لهم/ جدا استمتعت بالتجربة الحمدلله وباذن الله راح اكرر زيارتي اجرب باجي الخدمات ✅
___
اللي جربتهم خلتشاركنا تجربتها نفيد بعض💃🏻
____
🌸ملاحظات:
📍عندهم اكثر من فرع في صباح السالم ق١
🚗 متوفرة
🕛 يوميا ٩ص-١١م
☕ متوفرة
🪑 عادي
🏠 غير متوفرة