@rinsebeautylounge 📍الجابرية
🌸الخدمة: جلسة سبا الكوري للشعر ٢٥دك مع لجمي
🌸الشغل: موظفة الاستقبال سمحه/ كنت حاجزه قبلها بجم يوم/ دخلت عالموعد والجلسة كانت بغرفه برايفت و عقب ما بدلت ولبست فوطه تنلف عالجسم قصرت عالليت ورشت عطر لافندر عاللحاف/ بعدها فحصت الفروة وقالتلي شنو نوع فروتي (دهنية)/ عقبها شغلت جهاز الاشعه الحمرا لتقوية البويصلات وتقليل التساقط ولتحفيز الدورة الدموية/ وبعدها جهاز مساج هم لتحفيز الدوره الدموية/ وبعدها مساج باليد اظن ومساج بالمشط/ بعدها زيت وتدليك الاكتاف عجيب 😴 ولما خلصت مسحت الزيت وغطت الاكتاف بفوطه استخدام واحد/ بعدها الكرسي صار لي سرير ولبستني كمادات بارده للعين وشغلت البخار للشعر وغسلت الشعر بسنفرة وشامبو وبلسم والتريتمنت المناسب لنوع فروتي وخطوات وايد الصراحة ماثبت لانه نمت من كثر الاسترخاء 😭💗/ بعدين قعدتني من غفوتي وغيرت من سرير لي كرسي وعلق شعري شوي بس بسرعه تداركنا الموضوع الحمدلله🤣/ حطت فوطة حارة عالاكتاف والايدين 🥹/ ورتني نتيجة الجلسة على الفروة وما شاء الله تحسن جميل من جلسة وحدة ✅/ خلصنا وطلعت برا عشان الاستشوار واستقبلتني موظفة الضيافة تسالني شنو حابه واخترت كابتشينو ☕️👍🏼/ الاستشوار حلو فوليوم وشعري يلمع واخر شي حطتلي سيروم وعطر للشعر/ اكرر تجربتي 🙆🏻♀️
🌸الجو العام: الصالون شرح ومرتب والوانه حلوة/ الستاف مرتب وبشوش/ كل شي عليه لوقو الصالون/ الاقسام مفصولة بس مو معزوله/ الفوط مستهلكة شوي لكن نظيفة ومجيسة/ في مكان للصلاة عسى ربي يبارك لهم📿
____
اللي جربتهم خلتشاركنا تجربتها نفيد بعض💃🏻
____
🌸ملاحظات:
📍الجابرية ق٢ جبال نادي فلير
🚗اي مكان فاضي تلقينه / انا صفطت بالسرداب اللي صوب المطاعم يمهم ومشيت
🕛يوميا ١٠-٨م
☕متوفرة🤤
🪑عادي مو مساج
🏠متوفرة