@lazartiguekw 📍الجابرية
🌸 جلسة لازرتيك الكاملة للشعر مع استشوار ٣٠دك مع الكوافيره روان
الجلسة عبارة عن سنفرة لتنظيف الفروة exfoliate وبعدها سنفرة لعلاج وتهدئة الفروة purify وماسك علاجي لعلاج الشعر من النفشة mask وبعدها غسيل بشامبو shampoo واكثر من نوع من سيروم
🌸الشغل: اول شي عطتني روب مرتب وعليه لوقو الصالون/ بعدها قسمت الشعر لاجزاء وحطت السنفرة على كامل الفروة/ وبعدها سوتلي مساج للراس عشان تساعد على تغلغل التريتمنت (طريقه المساج مختلفة) 😴/ قعدت بالسنفرة ٤ دقايق وبهالوقت كنت احس بالبرودة بشكل تدريجي/ كرسي غسيل الشعر يرتفع ويصير مثل السرير ومعاه مساج للظهر حييل استرخاء/ غسيل الشعر ممتاز + تمسح الاذن بالفوطة/ بعدها السنفرة الثانية بنفس الطريقة والمساج والوقت/ واخر خطوة حطولي الماسك وسوت مساج الشعر نفسه تدلك العلاج فيه واقعد فيه ١٥دقيقة على جهاز البخار/ الحلو فيهم انه مع كل خطوة مساج فمن كثر الاسترخاء نمت 🤣♥️/ وبعد غسيل الشعر حطتلي سيروم حماية للفروة ومساج وبعدها سيروم لتقويه الشعر وسيروم لحمايته من الحرارة وسيروم لجميع انواع الشعر / واخر شي الاستشوار (برش ويفي) خيااال وايد حبيت الشغل ونتيجة الجلسة 👍🏼 / اللي تبي تريتمنت علاجي وشغل مضبوط وتبي ترتاح وتسترخي تمرهم انصح وبشدة 👏🏼
✨التريتمنت خالي من اي مواد كيميائية وكله مواد طبيعية/ وهالجلسة تساعد على تقوية البويصلات وتقلل من التساقط وتعطي لمعة وحيوية للشعر وعشان تشوفين نتايج افضل لازم الاستمرارية مرتين لي ٣ مرات بالاسبوع حسب نوع وطبيعة شعرج/ عندهم انواع من العلاجات المختلفة تناسب جميع انواع الشعر منهم الكيرلي
🌸الجو العام: الصالون معروف ما شاء الله عليهم عندهم فرع بالسالمية والديرة وحاليا تغطيتي لاحدث فرع لهم في الجابرية وحاليا بس قسم الشعر اللي فاتح/ الديكور مرتب وشرح/ الاقسام مفتوحة على بعض/ عندهم جهاز تعقييم الفرش/ عندهم قسم السبا (مغربي وغرفتين مساج)/ عندهم غرفة ميكب/ الستاف بشوش ومرتب واصواتهم هادية
🌸عروضهم:
✨ماسك لازرتيك لترطيب الشعر مع ويفي ١٠دك
✨تسريحة شعر مع جلسة منيكير ١٨دك
✨ماسك لازرتيك مع حمام مغربي واستشوار ٢٥دك
✨جلسة بروتين لجميع أطوال الشعر ٦٠دك
____
اللي جربتهم خلتشاركنا تجربتها نفيد بعض
____
🌸ملاحظات:
📍: الجابرية يم بافلوز الدور الثاني
🚗: متوفرة جبالهم مسيد
🕛: برمضان فرع الجابرية ١١-٥م / فرع السالمية يوميا ماعدا اليمعه ١١-٥ ومن ٨-١١م / فرع الديرة يوميا ماعدا الاحد: ١١-١٠م
☕: متوفرة
🪑: الشعر: مريح ويرتفع وفيه مساج
🏠: غير متوفرة