@house.of.peonykw 📍الديرة
🌸الخدمة: زيت جوجوبا مع خلطة القرع مع مساج للفروة والراس والاكتاف وكمادة حارة للاكتاف وبعد الغسيل حماية من الحرارة وتعطير الشعر والسيروم ٧دك
🌸العاملة: ميليشا
🌸الشغل: اول شي شافت شعري واقترحت علي نوع الزيت والخلطة / حطتلي زيت الجوجوبا وبعدها مساج عجييب 😴/ قسمت شعري وحطت الخلطة وبعدها غلفت شعري وكملت مساج لطيف للاكتاف والظهر/ واسالتني اذا ابي كمادة حارة للاكتاف وطبعا وافقت 🔥/ ضيفوني كذا مرة وشفت المنيو (حاطينه بباركود) وطلبت السبيشل (سبرانكليق) 🍹/ قعدت بالخلطة نص ساعة واستمتعت بالصالون والاجواء 💗/ بعدها التركية غسلت شعري وكرسي الشعر مريح ويرتفع يصير سرير/ الغسيل جيد 🧖🏻♀️/ بعدها رحت قسم التجفيف والاستشوار وسارة جففت شعري/ حطتلي سيروم حماية من الحرارة والتجفيف ممتاز وبعدها سيروم ترطيب وتعطير الشعر👏🏼
🌸الجو العام: الاونرز سمحين وفردنلي/ موظفة الاستقبال بشوشة ♥️/ الصالون ما شاء الله شرح وفيه اطلاله عالديرة والبحر 🌊☀️🏫 الاقسام مفتوحة على بعض بس بنفس الوقت عازلين قسم الاستشوار بباب زجاجي/ عندهم كورنر لطيف جدا موفرين فيه منتجات العناية المنزلية👛/ مهتمين بالبرودكت اللي يوفرونها بالصالون خصوصا الشعر اغلب المنتجات عضوية🌱 / عندهم الفلر يديد بالنسبة لي شوقوني عليه (بدون مواد كيميائية وجلستين بالشهر) ينعم الشعر ويرطبه وبجربه بزيارة ثانية ان شاء الله 💯/ موفرين ايضا منتجات عناية بالشعر الكيرلي مع الستايلنق👩🏻🦱/ خلطاتهم طبيعية وفرش وعالطلب 🔥/ عندهم كوافيره تركية لصبغ الشعر واسعارهم ممتازة / مشغلين قران وفيه مكان للصلاة (حاطين علامة اتجاه الجبلة🕋) عسى ربي يبارك لهم 📿/ فيه فاليه باركنق مجاني 🚗
🌸العروض والاشتراكات:
✨اي فاتورة ١٠ دنانير واكثر يطلعلج خدمة مجانية
✨باكج الصيف: بديكير ومنيكير مع صبغ اظافر وخلطة طبيعية للشعر واستشوار ١٩دك
✨اشتراك ٦ جلسات خلطات طبيعية ٢٥دك
✨اشتراك ٦ جلسات حنة/سدر ٣٥دك
✨اشتراك ٧ جلسات التنبيت ٨٥دك
✨باكج الاحتفالات: بديكير ومنيكير مع صبغ اظافر ومساج يد وقدم واستشوار ٢٥دك للشخص
شامل الورد والبالونات والكيك والمشروبات
_____
🌸ملاحظات:
📍 مجمع الوطية الدور ١٤
🚗 فاليه باركنق مجاني (بس ختمو عالفاتورة)
🕕 يوميا ماعدا الاحد من ١١-٨م
☕ متوفرة
🪑 عادي مو مساج
🏠 متوفرة