@blendsalon.kwt 📍غرب مشرف
🌸الخدمة: خلطة (٤ خطوات) ٨دك مع انجل من الفلبين
✨الخطوة الاولى للفروة واخترت سدر
✨الخطوة الثانية الزيوت واخترت جوز الهند
✨الخطوة الثالثة التونر واخترت الروزماري
✨الخطوة الرابعه الخلطة (اما تكثيف او ترطيب) واخترت الحلبة
📣الاشتراك: ٦ جلسات ٣٥ صالح لمدة ٣ شهور
🌸الشغل: حبيت طريقة تقديم الخلطة جدا مميزة وذربة تحسين رايحه تاخذين ايسكريم🍦والكمية راهية/ بدت بتقسيم الفروة ورشت التونر على كامل الفروة والشعر وبعدها بالمشط المسنن مشطت الفروة بحركة دائرية/ حطت الزيت على كامل الفروة مع مساج بالمشط المسنن/ قسمت الشعر وحطت السدر على الفروة/ وبعدها الخلطة على كامل الشعر/ عقب ما خلصت اسالتني شكثر ابي اقعد فيها وانصحتني انطر نص ساعة عالاقل عشان يبين مفعول السدر/ سوتلي مساج خفيف للكتف والرقبة 💆🏻♀️/ بهالوقت شربت قهوتي وطلبت ماكياتو ☕️/ بعدها غسلت شعري بشامبو اللوز / فرش الشعر نظيفة ومعقمة (عندهم جهاز تعقييم الفرش) وكل مشط مغلف/ وتجفيف الشعر ممتاز (تنوم البيبي هير)/ حبيت لمعة الشعر تهبل 🔥💗
🌸الجو العام: الصالون ملموم والاقسام مفتوحة على بعض لكن قسم الاظافر فيه شويه خصوصية/ يفضل الحجز انا دقيت عليهم ونطرت شوي دخلوني بين المواعيد وما شاء الله الاقبال عالخلطات والحنة جميل الله يبارك لهم/ الستاف ذربين وبشوشين واليونيفورم مرتب/ مشغلين موسيقى/ موفرين باور بانك/ موفرين منتجات وخلطات للاستخدام المنزلي 👏🏼
____
اللي جربتهم خلتشاركنا تجربتها 💃🏻
____
🌸ملاحظات:
📍 #غرب_مشرف في الجمعية جبال ارض المعارض قاعة ٦
🚗 متوفرة
🕕 ١٠ص - ٨:٣٠م
☕ متوفرة
🪑عادي مو مساج وكرسي غسيل الشعر يرتفع من صوب القدم