@13floorsalon 📍الديرة
🌸الخدمة: تريتمنت ice لتهدئة الفروة ولترطيب الشعر مع استشوار ١٥دك
🌸العاملة: سسديل من الفلبين
✨مو اول زيارة لهم اول مرج جربت الاظافر وهالمرة الشعر 👏🏼 الصالون متخصص بالشعر تحديدا الصبغات ويستخدمون كيون 🔥
🌸الشغل: اول شي غسلت شعري بالشامبو والغسيل ممتاز/ كرسي غسيل الشعر مريح ويرتفع من صوب القدم/ الماي فاتر 👍🏼/ بعدها حطتلي التريتمنت لمدة ربع ساعه وبهالوقت حليب ككاو 🍫🥛وطريقة تقديم الضيافة ذربة/ قسمت الفروة جزء جزء وحطتلي وبعدها مساج عجييب وحسيت وقتها بالبروده وانتعاش المسام 🧖🏻♀️ واخر شي حطته عالاطراف وتسوي مساج للشعر نفسه وبعدها غطت شعري ولفته بنايلون وطول الوقت احس بالبروده والانتعاش/ لما نطرت بالماسك خفت البروده مع الوقت لكن بوقت الغسيل حسيت فيها مرة ثانية/ بعدها جففت شعري بطريقة مرتبه (تطخخه ولي تحت)/ بلاك الشعر بالارض فمو لويه وحوسه حدهم مرتبين/ الحلو بالتريتمنت انه فروتي حساسة واغلب الوقت مع الاستشوار تتاذى اما مع هالتريتمنت كلش ما حرقتني بالعكس برووده حبيت 💃🏻/ اشتغلو علي بالاستشوار عاملتين وكان سيده ومرتب 💕
🌸الجو العام: الاستقبال فرندلي والستاف بشوش ومرتب/ الصالون شرح ويهبل وكل الاقسام فيها اطلالة عالبحر والديرة 🌊🏘️ مشغلين موسيقى هادية والاجواء جميلة جدا استمتعت ♥️/ انا احب اروح الصالونات الصبح تكون اهدى حبيت انهم قاعدين يتدربون عالشغل ويطورون نفسهم ولما شافوني دخلت باشروني 👏🏼/ حبيت غرفة الصلاة شرحة وذربة ونفس ديكور الصالون ما تحاتين تطوفج الصلاة خصوصا بزحمة رمضان/ وعندهم غرفة للواكس
🌸عروضهم:
- تساريح رمضانية للشعر القصير مع الاكسسوار ١٥دك
- تساريح رمضانية للشعر المتوسط الى طويل مع الاكسسوار ٢٠دك
- بيسك بديكير ومنيكير مع صبغ اظافر وماسك طبيعي للشعر مع مساج للفروة واستشوار ٢٠دك
____
اللي مجربتهم خلتشاركنا تجربتها نفيد بعض 💃🏻
____
🌸ملاحظات:
📍الديرة صوب #الصالحية gate tower الدور ١٣
🕕 يوميا من ١٠ص لي ٨:٤٥م وبرمضان ١١:١١
🚗 متوفرة وفيه فاليه ١.٥دك
☕ متوفرة
🪑عادي مو مساج
🏠 غير متوفرة