@lunetta.salon 📍الرقعي
🌸الخدمة: خلطة ٣خطوات (زيت وخلطة للشعر وخلطة للاطراف) مع استشوار ٨دك مع شاوني (سندريلا) من الهند
🌸الخدمة: منيكير ٤دك صبغ جيليش ٤دك مع موني من السيلان
🌸الشغل: اول شي يعطونج مشروب ترحيبي welcome drink لذيذ يسرسح وتختارين من منيو الضيافة المشروب اللي تبينه ☕️/ حطتلي زيت الارغان مع مساج للفروة وبعدها خلطة جرجير للشعر/ قالتلي شاوني (سندريلا) انه اطرافي جافه حيل فبتحطلي خلطة الزنجبيل للاطراف عشان ترطب الشعر فسالتها عن طريقتهم وقالتلي كل وحدة غير والخلطات حسب نوع الجذور والشعر 💯/ عقبها سويت اظافري (منيكير = لليد) مع سنفرة وماسك ولوشن/ الكرسي مريح وفي قاعده للقدم/ غسيل السنفرة والماسك بحوض القدم لكن فيه شطاف متحرك (هوز) وما ياذي وايد وقت الغسيل خصوصا انه مو وايد تمدين جسمج لحوض القدم/ صبغت جيليش اسمه cover sheet يروح باسيتون (بنات بليز اللي عندها عذر شرعي تصبغ اظافرها لانه مانع للوضوء)/ شغلها سريع ونظيف وما عورتني 💅🏼/ بعدها غسلت شعري والغسيل ممتاز مع مساج للفروة/ الاضاءة بقسم الشعر تتحرك/ بعدها جففو شعري وحطتلي سيروم واستشوار بيسك واخر شي تعطير الشعر/ شغلهم حلو واكرر زيارتي 💕
🌸الجو العام: الصالون يديد صارله اسبوع الله يبارك لهم فيه يارب 💕 على انه ملموم بس شرح والديكور هاادي وراقي/ الاونرز عسل ويهتمون وحريصين على تطوير الصالون/ قسم الشعر مفصول ومعزول عن قسم الاظافر/ عندهم غرفة ميكب قاعدين يزهبونها حاليا وبتصير للايجار للميكب ارتست اللي حابين ياجرون 🙆🏻♀️/ مشغلين موسيقى هادية ويوم اليمعه يحطون قران في الفترة الصباحية/ مسوين خصم زيادة لمتابعاتي بس حق اللي كبجرت الصوره بالستوري فالوضع كان لحق ما تلحق🤪/ اسعارهم جدا مناسبة وعندهم عروض دايمة/ ضيافتهم دلع بدلع ☕️🔥
🌸عروضهم الدائمة:
- بديكير ومنيكير مع استشوار ١٠دك
- خلطة طبيعية / حنة يمنية مع استشوار ٨دك
- تريتمنت سكرب للفروة مع استشوار ٨دك
- ماسك شعر وويفي ١٠دك
- بديكير ومنيكير مع مساج للقدم ١٠دك
🌸اشتراكاتهم:
- ٥ مرات ماسك للشعر ١٥دك
- ٥ مرات استشوار ١٥دك
- ٥ مرات ويفي ٢٥دك
- ٥ مرات خلطة او حنة يمنيه مع استشوار في كل جلسة ٢٠دك
- ٥ مرات بديكير ومنيكير ٣٠دك
___
اللي جربتهم شاركينا تجربتج نفيد بعض 💃🏻
___
🌸ملاحظات:
📍: #الرقعي ق ١ يم دومينوز الدور الثاني
🚗: متوفرة امام وخلف المبنى
🕛: يوميا ١٠-٩م
☕: متوفرة ومميزة
🪑 : عادي مو مساج