@lumiere.hair 📍صباح السالم
مركز للعناية بالشعر متخصص بالانبات ووقف التساقط وحاصل على شهادة الايزو
🌸الخدمة: تنظيف فروة عميق مع جهاز القشط وديرما بن مع زينب التونسيه خبيرة شعر (عسل ♥️) تفحص الفروة والشعر وتقترح التريتمنت المناسب وخطة العناية
🌸التغطية: اول شي رحت غرفة الفحص وضيفوني
اسالتني اذا عندي شكوى معينة ويايه مخصوص عشانها فقلتلها عن وضعي (بعد الولادة وخمول بالغدة) بعد الفحص شفنا انه فيها دهون وقشرة رمادية مسامية شعري متوسطة وفيني شوي تقصف وكله بسبب للاسف نقص الفيتامينات والكولاجين (والحل ٧٥٪ ماي) وضروري تكون المنتجات عضوية او فيقان / ✨ احلى شي اني شفت البيبي هير قاعد يطلع بس مع الاسف لكثرة الدهون مو قادر ينمو عدل فاقترحت علي خطة عناية وكل زبونه طبعا غير عن الثانية وحسب وضعها / بالنسبة لي جلستي راح تبدي بجهاز قشط القشور + شامبو (نوعين) + سنفرة للفروة + ماسك البوتكس للاطراف مع مساج للفروة والراس + جهاز الهايدرا لسحب الدهون + جهاز ديرما هير لتحفيز الانبات وتوازن الدهون + مشط led لتحفيز الفروة + جهاز الاكسجين لتثبيط البيبي هير (نقويها وماتطيح) مدة الجلسة ساعة ونص
بعدها يتلي كوين من نيجيريا بشوشه وفرندلي/ عندهم جهاز تعقييم الفرش وانصدمت من طريقتهم يعقمونه عقب ما يخلصون + لما تدخلين وتبدين الشغل عشان تتطمنين وتتاكدين انه نظيف 💕/ الجهاز قسمين اللي تحت لازاله الشعر والرواسب والدهون واللي فوق البخار للتعقيم وبعدها يغلفونه بنايلون ويحطونه بجهاز التعقيم
حسيت ببرودة وانتعاش وصج الفروة تتنفس (علچ اكسترا وماي بارد)/ قعدت بالماسك ١٠ دقايق ومشغلين موسيقى هادية ويتلي الاستشارية زينب تتاكد من كل شي وتتطمن علي قلتلها انه برد فعطوني لحاف وغيرو الفوطة اللي علي 🥹♥️♥️/ والله كنت راح انام على هالاجواء الحلوة 🧖🏻♀️/ بعدها غسلت شعري وجففته وسوتلي ديرما بن ما عورتني والحلو انه كرسي الشعر ينرد بالكامل يصير مثل السرير فحيل كنت مرتاحة/ وسوت كل الخطوات واستمتعت الصراحة واخر شي رديت غرفة الفحص وشفت انه الدهون خفت .. بنات عشان الشعر ينمو عدل ويكون صحي لازم فروة نظيفة ومُهيئة تستقبل المنتجات 💕
🌸الاسعار:
سعر الجلسة قبل ٧٥دك وحاليا ٥٥دك
الاشتراك ٤ جلسات ٢٠٠دك
واللي من طرفي ٦ جلسات ٢٠٠دك والجلسة ال٧ تكون جلسة فوتون لترطيب الشعر واعادة بناء الياف الشعر
يعني الجلسة تطلع عليج ٢٨.٥دك 👍🏼
____
اللي جربتهم خلتشاركنا تجربتها نفيد بعض💃🏻